Nga Spartak Ngjela
Një mbijetesë e vakët shqiptare, kjo është gjendja e sotme. Asgjë më shumë.
Pse kemi rënë në këtë gjendje?
Kjo gjendje, në esencën është një luks i heshtur, që nuk ka ndriçim , por që ka krijuar këtë mbijetesë të vakët.
Po nga vjen e sigurohet kjo, dhe pse duhet të quhet mbijetesë?
Është mbijetesë sepse ata që punojnë dhe mbajnë familjet e këtu në Shqipëri, janë të punësuar në Perëndim, nga Italia në Gjermani dhe nga Gjermania në Angli.
Natyrisht kjo punë e frytshme është, por remitancat e tyte në euro apo në dollarë që ata dërgojnë në Shqipëri, krijojnë të ardhurat e të afërmve të tyre që jetojnë këtu.
Dhe kjo shumë parash që është mbi katër miliardë euro, mban jetën normale në Shqipëri.
Në fakt kjo shumë parash, po mban tregun, dhe sigurisht edhe bankat, edhe fitimin tregtar i cili është faktori kryesor që mban bankat, mban punësimin aktual, mban taksat e shtetit, dhe pas taksave që mbledh shteti, jeton e gjithë administrata shtetërore me një pagë të pranueshme tani, por që, të gjitha bashkë janë, por është edhe turizmi është që sjell një shumë jo të vogël në valutë, në këtë jetë monetare në Shqipëri.
Po a mjafton kjo?
Jo nuk mjafton.
Jeta nuk ecën dot në Shqipëri brenda kërkesës dhe ofertës perëndimore. Por tregu funksionon dhe jeta nëpër bare dhe restorantet është brenda karakterit evropian, madje në sasinë e vet, baret dhe restorantet qyteteve të mëdhenj të Shqipërisë janë më luksoze në Evropë.
Por si ka ndodhur e si po zhvillohet kjo?
Ja kjo është pyetja që bëjnë ekspertët e huaj.
Por nuk janë vetëm lokalet luksoze, se janë edhe makinat luksoze.
Dhe kjo i habit të gjithë. Por më shumë mërzit grekët që i shohin me zili qesharake makinat luksoze të shqiptarëve, se vetë ata janë shumë dobët në rrugët e tyre, sepse makinat i kanë masivisht nga ato më të lira fare.
Po shqiptarët si e kanë arritur këtë nivel?
Shqiptarët e kanë arritur me natyrën e tyre të mendjes që kërkon jetë, vetëm jetë të paqtë dhe të pasur. Dhe këtë e kanë arritur tek makinat e tyre, te baret dhe restorantet luksozë, dhe te bisedat e frytshme që ata bëjnë nëpër lokalet luksozë që vetë i kanë investuar.
Kjo është një çudi, po thonë ekspertët e huaj që janë kundër, por të tjerët thonë: ja, kjo është vlera esenciale e shqiptareve, që do t’i çojë ata shumë lart.
