Duket se strategjia e Emiliao Shullazit dhe avokatëve të tij për të shtyrë sa më shumë gjyqin te Gjykata e Krimeve të Rënda me synim përfitimin e një ulje të konsiderushme të dënimit, po funksionon.
Kështu edhe sot për për herë të gjashtë kjo gjykatë, u detyrua të shtyjë sërish seancën ndaj Emiljano Shullazit dhe 4 të pandehurve të tjerë.
Sërish shkak është bërë mbrojtja, sepse avokati Emiljano Shullazit, Vladimir Meçe ka paraqitur një raport shëndetësor për të justifikuar mungesën e tij.
Nga ana tjetër edhe avokati i caktuar nga gjykata për Gilmando Danin, njoftoi se nuk mund të ishte mbrojtës i tij, pasi më Shkallë të Parë ka mbrojtur Ylvi Beqjen. Në këto kushte, gjykata shtyu seancën dhe bëri zëvendësimin e avokatit kryesisht.
Duhet theksuar se ky gjyq i stërgjatë që të kujton historinë e Drijtan Dajit me drejtësinë, po monitorehet me rreptësi veçanërisht nga ambasada amerikane në Tiranë.
