Gjërat në Shqipëri vetëm po përkeqësohen dhe kjo është e dukshme për çdo qytetar që jeton në këtë vend.
Por edhe nëse keni ndopak iluzione, shihni raportet e vazhdueshme të ndërkombëtarëve që japin të dhëna tronditëse. Shqipëria ka njohur rënie pikiatë në çdo renditje ndërkombëtare që kur Edi Rama mori pushtetin.
Të enjten u publikua indeksi më i rëndësishëm i korrupsionit, ai nga Transparency International, që tregon se Shqipëria ka humbur shtatë vende nga një vit më parë. Tashmë Shqipëria është e 106-ta në botë.
Një ditë më parë u publikua edhe indeksi i demokracisë nga revista The Economist. Edhe aty Shqipëria ka pësuar rënie. Jo vetëm kaq, rënia është e vazhdueshme që nga viti 2014, kur Rama nisi të qeverisë.
Indekset e lirisë së medias janë të gjitha në pikiatë, madje në mënyrë të frikshme. Raportet e Departamentit të Shtetit janë të gjitha për të vënë duart në kokë.
Kaq e rëndë është situata, sa Top Channel publikoi në nëntor të vitit të shkuar raportin e Bankës Botërore, që tregon se korrupsioni në Shqipëri është dyfishuar që kur Rama mori pushtetin.
“Jemi shumë më keq se gjashtë vite më parë,” raportonte TCH.
