Shumë prej nesh hanë ushqime të pasura me vitamina, konsumojnë pije ushqyese dhe marrin suplemente, por vitamina A nuk është gjithmonë në krye të kësaj liste, pavarësisht faktit se luan një rol jetik në trup.
Simptomat e mungesës së vitaminës A
Lëkura e thatë
Mungesa e vitaminës A do të thotë që lëkura juaj mund të mos marrë një lëndë ushqyese kryesore që ndihmon në riparimin e lëkurës, gjë që sipas dietologëve mund të rezultojë në lëkurë të thatë.
Sistemi juaj imunitar mund të jetë i dobët
Vitamina A luan një rol kyç në funksionin imunitar.
“Mos marrja e mjaftueshme e kësaj lënde ushqyese mund të rezultojë në vuajtjen e sistemit tuaj imunitar, sepse po humbisni një lëndë ushqyese që është çelësi për të mbajtur trupin tuaj në formë të mirë”, thotë dietologuia Lauren Manaker.
Mund të përballeni me shqetësime për shëndetin e syve
Shqetësimet me sytë janë të lidhura me mungesën e vitaminës A
“Nëse një person ka sy të thatë, marrja e mjaftueshme e vitaminës A mund të jetë një zgjidhje më e mirë afatgjatë sesa marrja e pikave të syve, por mënyra më e mirë e veprimit duhet të përcaktohet nga mjeku.” thotë Manaker.
Plagët mund të mos shërohen
Vitamina A luan një rol në sintezën e kolagjenit dhe ne duhet të jemi në gjendje të prodhojmë kolagjen për të prodhuar lëkurë të shëndetshme.
“Nëse dikush ka një plagë, vitamina A mund të luajë një rol kyç në aftësinë e trupit për të shëruar plagën, së bashku me një furnizim adekuat të ushqyesve të tjerë thelbësorë si proteina, zinku dhe vitamina C”, thotë Manaker.
