Etnik Brruti ishte temë e nxehtë në muajin mars, pasi vendosi të kalojë nga Kosova U-21 te Kombëtarja e Shqipërisë. Silvinjo i rezervoi mesfushorit të Malishevës një ftesë tek ekipi i parë.
Kjo lëvizje prodhoi zhurmë të madhe në opinionin sportiv. Megjithatë Silvinjo nuk e preferoi për kualifikueset e Botërorit, duke e lënë në tribunë ndaj Anglisë dhe Andorrës.
Mesfushori i Kombëtares tashmë ka marrë ftesë për herë të parë nga Alban Bushi. Trajneri i Kombëtares U-21 e ka përfshirë në listë për miqësoret me Hungarinë dhe Turqinë.
Pjesë e listës është po ashtu një tjetër lojtar i Kombëtares, që akoma nuk ka debutuar me ekipin e parë. Bëhet fjalë për Feta Fetain, i cili regjistron paraqitje me ekipin U-21.
