Një akuzë mjaft e rëndë vjen nga Suedia në drejtim të Zlatan Ibrahimoviç. Ulf Karlsson, ish- trajner i Kombëtares Suedeze të Atletikës së lehtë deklaroi për të përditshmen Aftonbladet, –“Sipas meje Zllatan Ibrahimoviç dopohej kur luante te Juventusi. Zlatan shtoi 10 kilogramë në 6 muaj te Juventusi, dhe kjo fizikisht nuk është e mundur”, deklaroi Karlsson.
Ulf Karlsson, trajner i Kombëtares nga 2001 deri në 2004 është një emër i rëndësishëm në Suedi, pasi e ka lidhur karrierën e tij me vitet e arta të atletikës suedeze dhe për këtë arsye fjalët e tij kanë shkaktuar sensacion në Suedi dhe më pas në mbarë botën. Por duhet theksuar se, Karlsson nuk e ka stërvitur kurrë Ibrën, çka i bën fjalët e tij kundër Zlatan dhe kundër Juventusit shumë të rrezikshme. Karlssin që gjithmonë ka qenë i ashpër në luftën kundër dopingut insiston se diopingu përdoret shumë edhe në sportet e skuadrave dhe jo vetëm ato individuale, duke cituar pikërisht simbolin e futbollit suedez. “Jam i bindur, deklaroi ai duke shtuar. Shikoni Zlatan Ibrahimoviç te Juventusi shtoi 10 kilogramë muskuj në 6 muaj. Sipas meje dopohej. Ky është opinioni im”, tha ai.
Karlson madje në një tjetër intervistë i konfirmoi akuzat e tij të rënda, duke shkuar edhe më tej ndërsa tha: “Nuk është një akuzë personale në drejtim të Zlatan. Unë po flas për sportet e skuadrave, klubet kontrollohen më pak në krahasim me sportistët e tjerë si atletët apo skiatorët për shembull. Nuk është e mundur të shtosh 10 kg në kaq pak kohë. Dhe shikoni Albin Ekdal. Ai shtoi 8 kg në 6 muaj në të njëjtin klub. Besoj se diçka e tillë në atë kohë ishte në kulturën e Juventusit. Kishin një mjek që u pezullua për 22 muaj”, përfundoi Karlsson.
