Teksa ditët e fundit kompania turke ‘Kurrum; është vënë në epiqendër të skandalit të mbetjeve toksike, firma ka njoftuar punon jësit se ka mbyllur aktivitetin e saj me pretendimin se është në proces remonti.
Sipas raportimeve, 500 punonjësit e të uzinës së çelikut dhe të uzinës së përpunimit, janë njoftuar nga ‘Kurrum’ për ndërprerjen e njëanshme të kontratës pa arsye zyrtare për pezullimin.
Nga data 1 gusht, uzina e çelikut ka ndaluar punën, dhe nga data 20 gusht do të mbyllet edhe uzina e përpunimit, ndërsa ende nuk është bërë e ditur se cila është arsyeja e saktë për mbylljen, nëse ka të bëjë me probleme të mbetjeve toksike ose ndonjë arsye tjetër.
Pas mbylljes së uzinave, 500 familje në Elbasan do të mbeten pa të ardhura nga 20 gushti, dhe deri më tani, nuk ka pasur asnjë konfirmim nga drejtuesit e Kurum për vendimin e marrë, megjithëse zyrtarisht thuhet se mbyllja e aktivitetit është për shkak të remontit.
Kujtojmë se kompania “Kurum International” është origjina e qindra ton mbetjeve të dyshuara si të rrezikshme që janë eksportuar nga porti i Durrësit me destinacion Tajlandën, duke përhapur një alarm global.
