Pas skandalit të ‘Panama Papers’, Islandezët kanë shpërthyer në protesta masive duke kërkuar largimin e kryeministrit Sigmundur David Gunnlaugsson, emri i të cilit u përfshi në këtë skemë mashtrimi.
Opozita do të kërkojë votëbesim në parlament për kryeministrin dhe kabinetin e tij qeveritar, dhe për të shkuar më pas në zgjedhje të parakohshme.
Protestat kanë nisur të hënën në mbrëmje ku qytetarët qëndrojnë të mbledhur para Parlamentit ndërsa ditët në vijim protestat priten të përshkallëzohen.
Pas kësaj, presidenti Olafur Ragnar Grimsson ka ndërprerë udhëtimin në SHBA, ndërsa publikimi i dokumenteve ka shkatërruar besimin e publikut te lidershipi i tij.
Gunnlaugsson, i cili qeveris që prej vitit 2013, është zbuluar se ka lidhje me kompani jashtë vendi për efekt taksash.
