Deputeti i PD, Flamur Noka tha nga Shkodra se sot është dita e qytetarëve. Para nisjes për në Tiranë, me protestuesit e Shkodrës, Noka tha se politika sot do të heshtë.
Noka: Siç e shihni janë disa pika ku niset qytetarët drejt Tiranës. Masiviteti është i paparë. Janë mijëra qytetarë që po vërshojnë drejt Tiranës. Sot është dita të flasin qytetarët. Sot do flasin shkodranët, do flasin shqiptarët. Sot politika hesht. Është dita e tyre. Sot pritet ajo që qytetarët e dinë vetë. Sot është fjala e tyre jo e politikës.
Tubimi është paralajmëruar të nisë në orën 11:00 përpara kryeministrisë, duke kundërshtuar qeverinë e kryeministrit Edi Rama.
Nga qytete të ndryshme të Shqipërisë, qytetarë dhe mbështetës të opozitës janë nisur që prej orëve të para të mëngjesit për të mbërritur në Tiranë.
