Kandidati i Koalicionit Euroatlantik, Endri Hasa, ka bërë një deklaratë të fortë në rrjetet sociale, duke u shprehur se struktura e posaçme SPAK dhe burgu 313 janë kthyer në një “makth” për politikën e vjetër.
Hasa shprehet se qeveria aktuale e kryeministrit Edi Rama është e mbushur me funksionarë që kanë abuzuar me pushtetin dhe tani po përballen me drejtësinë. Ai thekson se ka ish-ministra, ish-deputetë dhe drejtues të Partisë Socialiste, të cilët sipas tij i bashkon një e përbashkët: keqpërdorimi i pushtetit dhe vjedhja e pasurisë publike.
Në postimin e tij, Hasa nënvizon se çdo diskutim mbi SPAK dhe 313 ngjall pasiguri mes përfaqësuesve të mazhorancës, duke lënë të kuptohet se ata e kanë të qartë fundin e tyre politik. Ai i fton qytetarët të votojnë për ndryshimin në zgjedhjet e ardhshme, duke mbështetur Koalicionin Euroatlantik dhe kandidaturën e tij në Elbasan.
“Votoni 4, Koalicionin Euroatlantik”, përfundon ai, duke e shoqëruar mesazhin me simbolet e Shqipërisë dhe Shteteve të Bashkuara.
Më poshtë komenti i plotë i Endri Hasës:
“SPAK” dhe “313” binomi që po tmerron politikën e vjetër⚖️
Nisi si një batutë e Lulzim Bashës në rrjetet sociale për një të vërtetë të madhe që lidhet me atë çfarë pasqyron sot kjo qeveri. Kur Edi Rama flet për rinovim të Partisë Socialiste, mjafton të kthej kokën pas dhe të shoh burgjet e tij, në secilin prej tyre në të gjithë shpërndarjen gjeografike ka të shpërndarë ministra, deputetë, drejtorë dhe funksionarë të PS.
Të gjithë i bashkon vjedhja e shqiptarëve. Të gjithë i bashkon babëzia për të zhvatur me pushtetin që kanë pasur. Në çdo studio ja shoh kompleksin deputetëve apo ministrave sa herë i flas për SPAK apo për Burgun 313. E dinë që herët ose vonë koha do të vijë për fundin politik, nga i pari tek i fundit. Bashkë me Edin kuptohet
Votoni 4 #KoalicioninEuroatlantik
✅️Elbasan✅️Endri Hasa✅️”
