Eliminimi i Inter nga Champions League ka qenë një goditje e rëndë për klubin milanez. Shumë tifozë shikojnë trajnerin Luciano Spalletti si fajtorin kryesor, por edhe brenda klubit janë rritur dyshimet në lidhje me zgjedhjet e bëra nga tekniku.
Sipas “Corriere della Sera”, familja Zhang ka mbetur shumë e zhgënjyer nga mosarritja e kualifikimin në 1/8-at e Champions League, që i ka kushtuar klubit 17 milionë euro.
Nuk parashikohet një shkarkim i Spalletti-t në të ardhmen e afërt, por ai do të duhet të rifitojë besimin e drejtuesve dhe tifozëve në muajt në vazhdim.
Gjithmonë sipas “Corriere della Sera”, Antonio Conte dhe Diego Simeone janë dy trajnerët që mund të marrin drejtimin e zikaltërve në sezonin e ardhshëm. I pari është zgjedhja e preferuar e klubit dhe Beppe Marotta-s.
