Kryeministri Edi Rama është pritur me protesta të shumta nga studentët në Vlorë, ndërsa iu është kthyer keq atyre kur e kanë fishkëllyer.
Studentët janë larguar fillimisht nga truprojat e Ramës, dhe pas rezistencës së tyre ata janë ulur në shkallët e Universitetit.
‘’Do të takoheni me anëtarët e partisë jo me ne”, janë shprehur studentët.
Sipas raportimeve të Fax News një grup i FRESSH janë grumbulluar në oborrin e universitetit, ndërkohë që në foto duket dhe një nga të ftuarit e Alban Dudushit tek “Top Show” Ariel Lamaj, që u evidentua si anëtar i FRESSH.
Në rrjetet sociale Ariel Lamaj shfaqet krah për krah me kryeministrin dhe ministren e Arsimit Lindita Nikolla.
‘’Turp, Turp, turp, servila!”, janë disa nga thirrjet e studentëve që kanë protestuar prej disa ditësh.
Studentët jashtë kamerave thonë se ata kanë marrë kërcënime për veten dhe për familjen që të mos jenë pjesë e protestës, pasi në të kundërt mund të ketë pushime nga puna.
