Studentët janë të vendosur në protestën e tyre dhe nuk largohen nga parlamenti.
Ata nuk i janë përgjigjur pozitivisht kërkesës së përsëritur të Kryeministrit për dialog.
Plotëso 8 kërkesat, pastaj dialogojmë për të tjerat thanë studentët.
‘Edi Rama të lërë mallin, hajde këtu na qaj hallin’, janë thirrje në kor të studentëve para parlamentit.
Deputetët e mazhorancës janë larguar të gjithë nga dera e pasme, njësoj si Kryeministri Rama, në përpjekje për të shmangur përballjen me studentët protestues të cilët qëndrojnë prej disa orësh para Parlamentit.
Të njëjtën rrugëkalimi drejt sallës së Kuvendit përdori Rama dhe kur mbërriti për seancën e radhës, duke shmangur çdo kontakt me studentët, ndërsa në fjalën e tij u kërkonte dialog për të zgjidhur të 8 kërkesat e tyre (madje dhe më shumë).
Studentët vijojnë të protestojnë para Parlamentit, ndërsa burimet thonë se pritet që ata të nisen drejt Kryeministrisë.
