Në merkaton e janarit, Liverpool refuzoi disa oferta për Daniel Sturridge, me klubin e kuq që nuk dëshironte me asnjë kusht të shiste lojtarin, por tashmë situata duket se ka ndryshuar. Vetë trajneri i “The Reds”, Jurgen Klopp, raportohet të ketë thënë se sulmuesi është duke parë mundësi të reja për karrierën e tij, dhe në merkaton e verës, drejtuesit e klubit do të shqyrtojnë të gjitha kërkesat në drejtim të lojtarit. Lajm i mirë ky për Paris Saint-Germain, me francezët që prej kohësh këmbëngulin ta kenë në skuadër 27-vjeçarin.
