Pas mbledhjes së grupit të deputetëve Berisha- Bardhi, kreu i Rithemelimit ka sulmuar kryetarin e PD Lulzim Bashën, duke deklaruar se për atë ai nuk e lëviz vjijën e kuqe pasi sipas tij është një “dordolec i Ramës” që përdoret për të trembur. Pas këtyre deklaratave i menjëhershëm ka qenë reagimi i PD nëpërmjet zëdhënëse Mirela Karabina.
Berishës i bëhet thirrje që të mos fshihet si struci duke sulmuar poshtë e përpjetë, por të paraqitet përpara drejtësisë dhe të mos përdorë PD dhe demokratët si mburoja njësoj siç bën Hamasi në palestinë me njerzit e pafajshëm.
REAGIM I ZËDHËNËSES SË PARTISË DEMOKRATIKE, MIRELA KARABINA
Sali Berisha bën mirë të shkojë të përballet me drejtësinë dhe mos të fshihet si struci.
Të shkojë të provojë së është i pafajshëm dhe mos përdorë demokratët si mburojë, njësoj siç bën Hamasi.
Sali Berisha është sot person i padëshiruar në SHBA dhe Britani të Madhe.
Për hallin e tij personal ka dy vjet që së bashku me Edi Ramën, mundohet të dëmojë PD-në, në këmbim të kullave të familjarëve të tij.
Hallet dhe makthet e non gratës nuk i zgjidh dhe as do t’i zgjidhë me mashtrim të gatuar në kazanin e përbashkët me Edi Ramën dhe të servirura në mediat e paguara me paratë e krimit dhe të korrupsionit.
