TIRANË- Analisti Namir Lapardhaja ka komentuar në Report Tv akuzat e Ilir Metës ndaj kreut të SPAK, Altin Dumanit. Lapardhaja thotë se këto akuza mund të përdoren kundër Ilir Metës në gjykatë, pasi janë të karakterit penal.
“Ato po trajtohen si akuza normale, mediat i japin hapësirë, akuzave që ai bën ndaj SPAK janë akuza të karakterit penal që mund të përdoren kundër tij në gjykatë në një moment të dytë. Të gjitha akuzat nga politikanë të korruptuar e në hetim, janë akuza të rëndë, jo politik, por mund të trajtohen edhe me karakter penal”, tha Lapardhaja.
Pavarësisht sjelljes së Metës që është kontradiktore, një person që ndodhet i pafajshëm s’ka pse bëhet agresiv ndaj atyre që po e hetojnë. Nuk është Dumani një individ që mund të trajtohet i tillë, është një institucion i tërë, është një pritshmëri e madhe e popullit shqiptar.
Fakti që Meta është bërë agresiv dhe sulmon SPAK, sipas Lapardhasë tregon se ata “diçka kanë ndjerë”. Kujtojmë këtu deklaratat e Metës se amerikanët i kanë kërkuar Dumanit që ta arrestojnë Metën.
Lapardhaja tha në emisionin ‘Sot Live në Shqipëri’ me gazetarin Nertil Agalliu se situata është në disfavor të Metës dhe Kryemadhit, ndërsa theksoi se SPAK nuk intimidohet nga sulmet.
“Fakti që janë bërë agresiv, tregon se ata diçka kanë ndjerë. Situatë është në disfavor të Metës, Kryemadhit dhe të korruptuarve. SPAK nuk intimidohet, nuk do t’ia dojë se ca thonë politikanët. Ata janë në një fazë në të cilën shohin vetëm atë që ka ndodhur.
Nëse Ilir Meta është çmendur aq më keq për të se s’po hetohet për çmendurinë e tij, por për ato që ka qenë në rregull. Nëse po sillet si i çmendur aq më keq për të, se fakti që s’ka diçka konkrete e ka çmendur”, tha analisti.
Sipas tij, grupi i Lulzim Bashës që mbështet SPAK duhet të forcohet dhe të shndërrohet në një alternativë.
“Një opozitë e cila nuk kupto realitetin dhe kontekstin e ri politik dhe juridik ku është futur Shqipëria, është një opozitë e destinuar për të qëndruar gjatë në opozitë. Një opozitë që mund të shkojë drejt vetasgjësimit nëse vijon kështu. Në radhët e opozitës është një grup që është në mbështetje të SPAK.
Kjo opozitë që mbështet SPAK dhe e sheh perëndimin si aleatë të saj, kjo opozitë duhet të forcohet dhe të shndërrohet në një alternativë të besueshme që të merret seriozisht edhe nga partnerët tanë euroatlantik”, u shpreh Lapardhaja.
