Nga Azgan Haklaj
Që kur u përzgjodh nga Edi Rama për kryetar shteti pa asnjë cilësi të veçueshme njerëzore, profesional e politike Bajram Begaj u duk qartë se do ishte një lodër e komanduar me pult nga zyra e kryeministrit.
Ky okazion nuk ishte rastësi pasi doktori ushtarak Bajram Begaj kishte ushtruar per 2 vite detyrën e Shefit te Shtabit të Përgjithshëm të Forcave të Armatosura të Shqipërisë dhe ishte autor i firmosjes së shumë skandaleve korruptive sidomos nën udhëheqjen e Ministrisë së Mbrojtjes nga znj.Xhaçka mandati i së cilës pritet të hiqet së shpejti kërkuar nga Gjykata Kushtetuese.
Por jo vetëm kaq.
Presidenti plagjiaturë Begaj me bëmat e tij është prej një viti subjekt i SPAK-ut dhe aleatëve euroatlantikë që jo vetëm suportojnë e sponsorizojnë por dhe monitorojnë nga afër këtë institucion që është kthyer në makth për korrupsionin dhe krimin politik.
Këtu gjënden shpjegimet e kurrizuljes “lepe-peqe” të Bajram Begajt ndaj Edi Ramës.
Por kjo shkon me tutje.
Është një projekt i bërë me kohë.
Edi Rama duke e kuptuar se ka përfunduar turpshëm ylli i tij i pushtetit ekzekutiv ka bërë llogaritë që nëse zihet si dhelpra në çark të mbyllë karrierën me imunitetin 5 vjeçar të Presidentit të Republikës.
Nuk jam i qartë nëse kjo i është parathenë z.Begaj në krye të herës si kompromis por faktet tregojnë se ka një ujdi.
Vete fakti që ky kapterr president plagjiaturë përfshin në protokollet e udhëtimeve zyrtare deri dhe parukieren e gruas së tij tregon se është i ndërgjegjshëm, i cili është pjesë e hullisë ordinere “KÇK”(Kap ç’fare të kapësh).
Pra është vjeshtë me surpriza si një fillim i çlirimit të shqiptarëve nga makthi i korrupsionit.
Dushja Xhaçka-Begaj në SPAK, Sali Berisha e Ilir Meta në pranga për korrupsion të lartë.
Ministrat Manasterliu, Denaj, Kumbaro, Pirro Vengu etj së shpejti lëshojnë karriget sepse së bashku me Krifcën do të krihen në SPAK.
I vetmi që do ngelet për pak kohë në “arrest shtepiak” në mjediset e Presidencës do jetë
Edi Rama…ndoshta jo per 5 vite sepse faktet e ngjarjet do të avancojnë.
Ajo që po vjen është furtunë dhe askush nga këta mostra që mbajnë peng Shqipërinë dhe demokracinë nuk kanë imunitet.
Po thyhet Cari i Rusisë në
Kremlim e jo ca mbeturina ordinere hajdutë në zemër të Europës.
