Nga Redin HAFIZI
Gjenerali Carlo Alberto dalla Chiesa u pyet perpara disa studenteve se si i dukej pasi fitoi kunder terrorizmit te kuq dhe tani ishte derguar te luftonte mafien. Ai u pergjigj se terrorizmi i brigadave te kuqe drejtohej kunder shtetit, nderkohe qe mafia eshte shteti kunder qytetareve. Megjithate ka edhe me keq kur terrorizmi i kuq perdoret si force e armatosur e mafies rajonale.
Edi Rama e ka kopjuar ne detaje Enver Hoxhen dhe kerkon qe mandatin e trete t’a perdore per dhune shumevjecare. Ndryshimi eshte bere fjala kyc e fitores. Eshte fjala qe mbledh te gjithe ne votime dhe kur populli voton masivisht, patjeter qe e vjetra shembet. Shpesh eshte abuzuar me termin tranzicion, por une besoj se ne nuk kemi qene ne tranzicion, por nen nje pushtet te mafies qe patjeter fitoi kur Ramiz Alia u rrezua me vote. Ky pushtet i mafies ishte trashegimia e sigurimit te shtetit qe sot perfaqesohet nga Gramoz Ruci. Ky sistem duhet shkaterruar me cdo mjet dhe ne fillim i bej thirrje gjithe Shqiptareve qe te dalin masivisht te djelen dhe te votojne. Nga ana tjeter bej thirrje qe gjithe Shqiptaret te votojne ndryshimin dhe te mos e japin voten e tyre tek kriminelet. Edhe pse jam nje individ qe kurre nuk jam rreshtuar ne ndonje parti politike Shqiptare, eshte e thjeshte te kuptoj se kriminelet i perkasin pushtetit te vjeter dhe ndryshimi vjen me nje sistem te ri. Pra vetem forca me e madhe e opozites mund te sjelle ndryshimin dhe kjo nuk kerkon as anetaresim partiak e as militantizem qe t’a kuptosh. Kjo kerkon vetem ndergjegje qytetare dhe patjeter kujtese.
Shqiperia kaloi tete vjet torturues per qytetaret dhe kushdo ka te drejte te pyese se perse duhej qe te kalohej ne nje kalvar te tille qe u quajt tranzicion. Per njohesit e gjeopolitikes eshte e qarte se kur lindja komuniste nisi procesin e te ashtuquajturit liberalizim ne fund te viteve ‘50 dhe ne fillim te viteve ‘60, diktatori flirtoi serish me Titon qe kjo levizje te mos perhapej edhe ne Shqiperi, pasi ai kercenonte se do destabilizonte edhe Jugosllavine e Titos. Enver Hoxha kercenonte se levizja per liberalizim ne Shqiperi do frymezonte Kosoven te kerkonte me shume. Pra nje marreveshje e fshehte mbajti vendin tone jashte levizjeve qe po ndodhnin ne kampin socialist. Kjo marreveshje dihet se ku dhe si u be.
Ne vitin 1990 vertet nisen levizja studentore dhe shume levizje te tjera, por Shqiperia, ne kalendarin e tryezave politike, ishte ende ne levizjet e viteve ‘60 ne vendet e kampit socialist. Nderkohe qe pas 30 vjetesh Shqiperia, ne vitin 2021 kemi tashme situaten e vitit 1991 ne vende si Polonia, Cekia, Hungaria, por shpresoj te mos perfundoj si ne situata te regjistruara ne Bullgari apo Rumani 30 vjet me pare. Sot ne Shqiperi kemi shtetin qe dhunon bizneset e vogla dhe te ashtuquajturat biznese te medha jane vetem prone e zyrtareve te shtetit. Pronare te medhenj qe deklarohen si milionere jane vetem sekseret e shtetit duke mbrojtur keto aksione dhe emrat e aksionereve. Kjo ka qene Praga e viteve 1980, ku mafia Italiane dhe Cosa Nostra Amerikane nderhyne per te instaluar qendren e tyre. Nderkohe Ceket e kishin vendosur qe do beheshin pjese e NATO dhe patjeter qe u bene pjese e BE.
Shqiperia nuk e ka kete tendence, pasi udheheqja nuk e deshiron nje gje te tilla. Rama dhe Veliaj gjithnje kane qene kunder anetaresimit te Shqiperise ne NATO dhe per kete arsye ngrinin cadra perpara zyres se Sali Berishes qe ne ate kohe ishte kryeminister.
Ne tridhjete vjet nuk ka patur tranzicion, por thjesht nje kontroll te politikes mbi qytetaret. Megjithate biznesi familjar lulezoi dhe me pas biznesi i vogel. Nje gje e tille ndodhi edhe ne vendet e lindjes Europiane pas viteve ‘60.
Pra te gjithe votuesit te kuptojne se ne 2021 duhet te ndodhe permbysja e madhe, permbysja ku tranzicioni nuk do permendet me dhe jo permbysja qe njehsohet me rrezimin e nje monumenti. Vetem rrezimi i nje sistemi rrezon diktatorin Edi Rama. Te djelen do votohet per Shqiperine ne Europe, per Shqiperine demokratike dhe shpresoj qe te votohet per vullnetin e qytetarit, pra per te drejten e referendumit.
