Te Interi nisin të konkretizohen largimet e para për të arritur fondin prej 30 mln euro të nevojshëm për Fair Play financiar. I pari që do të mbush arkën e klubit është Ever Banega, që do të rikthehet te Sevilla dhe duke qenë se u afrua me parametër zero shuma prej 9 mln eurosh që do të derdhin spanjollët konsiderohet e gjitha plusvalenzë. Mbyllet kështu pas 1 sezoni aventura e argjentinasit teksa gjurmët e tij pritet t’i ndjekë edhe Gary Medel, i cili ka oferta nga Rusia dhe Turqia.
Për Palermon, lajme aspak të mira në horizont teksa e ardhmja e klubit do të jetë ende në duart e Maurizio Zamparinit. Ky i fundit kishte arritur akordin për shitjen e shumicës së aksioneve një fondi amerikan të udhëhequr nga Paul Baccaglini dhe kur duhej derdhur shuma e nevojshme për aksiuonet, gjithçka dështoi. Zamparini deklaroi se nuk mori asnjë garanci dhe se tani do të luftojë për të ngjitur menjëherë Palermon në Serinë A.
