Ka pasur momente tensioni në protestën e studentëve që po zhvillohet përpara kryeministrisë.
Disa prej të rinjve kanë dashur që të largojnë prej aty studentin dhe aktivistin e Lëvizjes për Universitetin Klodi Leka.
Nuk dihet se çfarë i ka shtyrë të rinjtë drejt këtij veprimi, por situata është qetësuar në kohë.
Lëvizja për Universitetin është akuzuar nga një pjesë e studentëve se është e kapur nga parti të caktuara politike, akuza këto që janë hedhur me ngulm poshtë.
Megjithë dallimet dhe përçarjet rezistenca e studentëve vijon në ditën e 11-të.
Sot nuk ka pasur asnjë deklaratë nga ana e kryeministrit Rama, dhe as ndonjë ngacmim në Facebook për kërkesat e studentëve.
