Ish-deputeti i Partisë Demokratike Luçiano Boçi është shoqëruar në polici dhe është dhunuar në komisariat nga policia. Boçi u ndalua nga policia së bashku me disa persona të tjerë, pas përplasjes së ndodhur në Cërrik. 
Çerri i Fredi Alizotit kërcënon protestuesit dhe ish-deputetëtIsh-deputeti demokrat, Luçiano Boçi, është tërhequr zvarrë sot nga policia e Rilindjes, ndërsa kishte dalë në rrugë bashkë me një numër të madhe qytetarësh nga Elbasani për të protestuar gjatë turit të kryeministrit Edi Rama.
Siç shihet edhe në video, policët janë sjellë njësoj si banditë me ish-deputetin e PD. Në krye të policisë qëndron është Alber Nushi, i kapur në përgjime me aktorin Fredi Alizoti, i përdorur nga Taulant Balla për çështjen ‘Babale’.
Gjatë ditës së sotme banorët e Cërrikut pritën me protesta kryeministrin Rama, ku mes tyre ka qenë edhe ish-deputeti Boçi. Mësohet se ish-depueteti është shoqëruar pas një konflikti me drejtorin e policisë së Elbasanit, Altin Qato dhe më pas është lënë i lirë.
Por pas shoqërimit, Boçi është shprehur gjatë një lidhje telefonike me Televizionin Fax News se tensionet nuk kanë qenë rastësore. Sipas tij ka patur përplasje fizike dhe kërcënime të drejtëpërdrejta për jetën, duke akuzuar Fredi Alizotin për sjellje brutale ndaj protestuesve.
“Ka pasur përplasje fizike madje dhe kërcënim të drejtëpërdrejtë për jetën. Sjellja Albert Nushit i cili ka dalë në përgjimet me Alfred Alizotin ka qënë brutale dhe e paprecedentë. Janë disa të shoqëruar nga protesta e Librazhdit. Pas ndalimit tim ndërhyrja ka qenë tepër brutale. Madje pas ndalimit tim është goditur kryetari i PD dhe ish-kryetari i komunës. Duket se targetimi ka qënë i qëllimshëm dhe provokimi i njerëzve nuk ka qënë rastësor. Ky i Alizotit është një njeri që e ka pasur të programuar ndërhyrjen e tij, natyrisht duke marrë urdhëra politik.
Madje ky rasti i Babales, është shprehur në sinqeritet e sipër se merr vetem urdhra politik”, u shpreh Boçi për Fax News.
Boçi sqaron se protestuesit nuk kishin asnjë qëllim të pengonin eskortën e Ramës.
“Protestuest ishin vendosur në urë po prisnin ardhjen e eskortës së Ramës. Por nuk e kuptuam pse policia shfaqi atë sjellje brutale 1 orë para se të kalonte Rama.
Policinë e drejtonte Albert Nushi personi që paguan Fredi Alizotin në videopërgjimin e Babales, një kamikaz politik, që s’mund të përfaqësojë aspak policinë. Kishte kërcënime për jetën, për mua dhe qytetarë të tjerë.
Ishte një provokim i trashë. Kjo solli irritimin e protestuesve që janë përplasur me ta. Protesta vazhdoi, eskorta e Ramës ka ardhur pas një ore”, sqaron Boçi.
