Tërmeti/ Italia dhe Greqia nisin ekipe shpëtimi

Ka qenë i menjëhershëm solidaritei i ndërkombëtarëve me Shqipërinë, pas goditjeve të forta të tërmetit mëngjesin e sotëm. Dy vendet fqinj Italia dhe Greqia me urdhër të kryeministrave të tyre kanë nisur drejt vendit tonë, edhe avionë me skuadra speciale shpëtimi. Lajmin e jep kryeministri Edi Rama.

“Të gjithë miqtë e Shqipërisë po aktivizohen me shpejtësi. Kryeministri Conte e kryeministri Mitzotakis nisën avionët me skuadrat speciale. Presidenti Macron e Presidenti Erdogan më shprehën gatishmërinë për çdo nevojë. Ambasadat e BE/SHBA kanë njoftuar qysh herët gatishmërinë. Kontaktet vazhdojnë intensivisht.

Qysh herët më ka telefonuar edhe Presidenti Thaçi, i cili ka aktivizuar skuadrat speciale të FSK drejt zonave të krizës emergjente për nxjerrjen e njerëzve ende nën rrënoja.

Vazhdojnë kontaktet, ndërkohë që në terren po bëhet gjithçka e mundur, në çdo pikë ku ka rrënoja, si edhe për të asistuar të gjithë të dëmtuarit që kanë nevojë për ndihmën shëndetësore”, shkruan kryeministri Edi Rama në Facebook.

Artikulli paraprakSot nuk ka politikë, vetëm solidaritet! Kreu i opozitës vetëm një thirrje për qeverinë: Të shpallet gjendja e emergjencës!
Artikulli tjetërKarvani i ndihmës nga Kosova!