John Terry ka zgjedhur katër futbollistë që do të përfaqësojnë Chelsea në të ardhmen, duke futur në këtë listë Andreas Christensen, Willian, Pedro dhe Eden Hazard. Ish-kapiteni i “bluve” beson se skuadra e tij e vjetër po shkon në mënyrë të tillë që do t’i japë mundësinë këtyre katër futbollistëve të shkëlqejnë në sezonet e ardhshme. “Mendoj se Andreas Christensen, Eden Hazard, Willian dhe Pedro janë ende djem të rinj, por që do ta mbyllin si futbollistë shumë të rëndësishëm dhe flamuj të Chelsea në Premier League. Unë mendoj se ky kampionat po kalon në një nivel tjetër dhe ditë pas dite shpejtësia është vendimtare. Këta të katër janë ndër futbollistët më të shpejtë që kam parë, me apo pa topin në zotërim”.
Chelsea aktualisht është 14 pikë larg Manchester United kryesues, pasi e sheh veten në vendin e tretë të Premier League, megjithatë skuadra e drejtuar nga Antonio Conte ka lënë një përshtypje shumë të mirë te Terry. “Nëse e kthejmë kokën pas shohim se Chelsea nuk ka bërë shumë gabime në këtë sezon. Problemi është se Manchester City është ekipi më i mirë, ka një skuadër fantastike dhe ka vënë një standard shumë të lartë. Manchester City ka rritur nivelin në mënyrë të tillë sa askush nuk mund ta arrijë sivjet, por nuk mendoj se Chelsea po bën një kampionat të keq. Ndoshta sivjet nuk do të dalin kampion, por kjo nuk do të ishte tragjedi, sepse ekipi ka projekt dhe të ardhme”.
