Policia greke ka arrestuar të shtunën në mesditë një shtetas shqiptar, që akuzohet për transportimin e një sasie të madhe kanabisi. 33-vjeçari u ndalua në vendin e quajtur Sikula, 15 km nga Arta, në aksin rrugor drejt Athinës. Gjatë kontrollit në mjetin e tij, u gjet droga e llojit kanabis, e ambalazhuar në 16 pako të mëdha. Pesha e përgjithshme e kanabisit ishte 85 kilogramë. I arrestuari do të dërgohet në Prokurorinë e Artës, ndërsa shërbimi antidrogë po zhvillon hetimet e rastit.
