Ish-ministri i Jashtëm, Ditmir Bushati ka qenë i ashpër me kolegët e tij të PS-së dhe qeverinë e drejtuar nga Edi Rama.
Në një fjalim në sallën e parlamentit, Bushati ka hedhur akuza të rënda ndaj qeverisë Rama, duke thënë se i ka kthyer shpinën popullit.
‘Për 30 ditë kur qeveria nuk ka pasur kohë as t’u shërbejë qytetarëve’, tha Bushati.
Ish-ministri i Jashtëm kujton vitin 2013 kur PS premtoi se do anulonte koncesionet korruptive por siç thotë ai PS, po u ka kthyer shpinën shqiptarëve.
‘Ne jemi PS, qendër e majtë dhe nuk kemi tagër për të marrë vendime sot për 30 vite.
Na duhet një strategji për detin.
Në komunizëm deti ishte i pashfrytëzuar. Duhet të jetë në bashkëpronësi që gjithkush ta dijë çfarë ndodh’, tha Bushati gjatë fjalës së tij në parlament.
