Francesco Totti ka thënë se Cristiano Ronaldo meriton të fitojë çmimin e lojtarit më të mirë të FIFA-s për meshkuj, përpara Lionel Mesit dhe Neymar. Ish-futbollisti i Romës dhe Italisë i përshkruan të tre ata si “alienë të futbollit”, por thotë se ylli portugez, i cili është fituesi në fuqi i “Topit të Artë”, duhet ta rifitojë çmimin si lojtar i shquar i kësaj loje gjatë 12 muajve të fundit. Totti thotë se, faktori vendimtar ishte aftësia e Ronaldos për të udhëhequr Real Madridin në lavdinë e brendshme (La Liga) dhe atë europiane (Champions). “Ne po flasim për tre alienë të futbollit, i tha ai “FIFA.com”.
Mendoj se, në fund, Ronaldo është përpara të tjerëve. Ai pati një sezon të mahnitshëm dhe, gjithashtu, i realizoi golat e tij kundër ekipeve më prestigjioze”. Në të vërtetë, ai ka mbështetur Zinedine Zidane për ta bërë atë një Real Madrid të dyfishtë në ceremoni, duke tërhequr çmimin e trajnerit më të mirë të FIFA-s, përpara Antonio Conte dhe Masimiliano Alegri. “Mendoj se Zidane është favoriti për të njëjtat arsye, si Cristiano Ronaldo: ai fitoi gjithçka në sezonin e fundit”, shpjegoi Totti, megjithëse tha se bashkëatdhetarët e tij kishin bërë “punë të jashtëzakonshme” te Chelsea dhe Juventus.
Ndërkohë, ai e sheh çmimin e portierit më të mirë të FIFA-s si një “shkëmbim zjarri” midis Gianluigi Buffon dhe Keylor Navas, edhe pse beson se bashkatdhetari i tij e meriton atë. “Portierët kanë një ndikim të madh në lojë, megjithëse nuk njihen sa duhet. Ndikimi i tyre në rezultatin përfundimtar të ekipit është gjithmonë vendimtar, vuri në dukje Totti. Mendoj se Gianluigi Buffon ka një shans shumë të mirë për ta fituar atë çmim. Ai ka qenë më i miri në mënyrë individuale, por edhe skuadra e tij arriti në finalen e Ligës së Kampionëve, njësoj si Keylor Navas. Në fund, mendoj se të dy do të konkurrojnë për të”.
