Zëdhënësja e PD-Demokratët Euroatlantikë, Mirela Karabina, në një status të saj në facebook, ka trajtuar çështjen e arsimit dhe medias.
Sipas saj, “arsimi nuk mund të trajtohet kalimthi, ai kërkon vëmendje, seriozitet dhe përgjegjësi pasi është e gjithë shoqëria me sytë nga ai”.
Për Karabinën, arsimi është goditur rëndë, ndaj duhet të shpallet emergjencë kombëtare.
Më poshtë, postimi i plotë:
Arsimi dhe trajtimi në Media.
Arsimi ka probleme themelore, është goditur shumë dhe duhet të shpallet emergjencë kombëtare.
Por ashtu siç është arsimi, fatkeqësisht ashtu janë dhe emisionet televizive që mundohen të trajtojnë temën e arsimit duke filluar nga: moderatorët që nuk jane të qartë dhe nuk e njohin atë që duan të trajtojnë, të ftuarit që zgjedhin janë një tjetër problem, dhe mënyra si trajtohet problemi.
Arsimi nuk mund të trajtohet kalimthi, ai kërkon vëmendje, seriozitet dhe përgjegjësi pasi është e gjithë shoqëria me sytë nga ai.
Ndaj një rekomandim për emisionte televizive, si njohëse e fushës dhe si studiuese, që kur të trajtojnë problematikat duhet t’I ndajnë në zëra: infrastruktura shkollore, numri i nxënësve në klasa, formimi, kualifikimi i mësuesve dhe profesionalizmi i tyre, vlerësimi i nxënësve, metodologjia, infrastrukura digjitale, mendësia e trajtimit të nxënësve dhe aftësimit të tyre brenda kohës së kufizuar të qëndrimit në shkollë, mjete didaktike dhe si ndikojnë në aftësimin e tyre, modele suksesi, si rankojmë shkollat që cilësohen më të mira, arsimi i lartë, degët, cilësia e shumë të tjera.
Arsimi privat dhe ai shtetëror, avantazhet e disavantazhet dhe cila është politika arsiore pasi që të dyja janë në shërbim publik dhe trajtimi ka interes të madh.
Ku jemi me rezultatin e Reformës Kurrikulare në Arsimin Parauniversitar (2014) dhe Refomën në Arsimin e Lartë (2015)?
Të gjitha janë të lidhura por trajtimi zë për zë do të bëj të mundur që të kuptohet pse jemi në këtë gjendje dhe cilat janë mundësitë e zgjjidhjes.
Vlerësimi ndërkombëtar “PISA 2022” ka dëshmuar se sa keq jemi me arsimimin dhe aftësimin e nxënësve.
