Kreu i Partisë Demokratike, Lulzim Basha iu rikthye sërish asaj që ai e quan trekëndëshi i Bermudës, duke theksuar se ata kanë filluar të lëkunden për shkak të SPAK-ut dhe nevojës për ndryshim.
“E para e punës, është qesharake që debati publik dhe mediatik të përfundojë këtu. Pak veta kanë ngelur pa e kuptuar trekëndëshin e Bermudës. Edhe nga SPAK-ut por edhe nevojën për ndryshim që kërcënon status-quon dhe ka shtuar dozat e angazhimit në çdo aspekt përfshirë angazhimin konstant kundër Partisë Demokratike zyrtare. Në subkoshiencë ata e kanë kuptuar që Partia Demokratike është vetë jashtë këtij sistemi. Para dy ditësh u sulën para dy zonjave deputete, sot shikoni si silleshin me Damian Gjiknurin. Pse e lanë konferencën e kryetarëve të zhvillohej?”, tha Basha.
