Nënkryetari i LSI, Petrit Vasili ka reaguar pas deklaratës së kryeministrit Edi Rama, i cili edhe pse mori “Jo”-në e rradhës nga Gjermania për çeljen e negociatave, e quajti suksesin e tij të rradhës.
Vasili, në një postim në Facebook, shkruan se, hapje negociatash për Shqipërinë nuk ka, ndaj dhe ironizon teksa thotë se, kreu i qeverisë ndoshta feston për Maqedoninë e Veriut, e cila i hap negociatat me BE-në në janar.
“KRYEMINISTRI U MARROS!!
Kryeministri falenderon Gjermaninë se u shtuan kushtet, se për hapje negociatash për Shqipërinë nuk bëhet fjalë gjëkundi. Mbase i marri falenderon për Maqedoninë, që i hap negociatat në janar”, shkruan Vasili në Facebook.
“Çelje negociatash për Shqipërinë pas plotësimit të kushteve”.
Ky është vendimi i grupeve Parlamentare të Koalicionit Qeverisës CDU-CSU dhe SPD në Bundestagun Gjerman të cilat votuan sot rezolutën që ti rekomandohet qeverisë federale hapja e negociatave me kushte për Shqipërinë.
Krahas 9 kushteve kryesore, vendit tonë në rezolutën e votuar sot në parlamentin gjerman i vendosen edhe disa nënkushte të tjera.
Në krye të shqetësimit të Bundestagut gjerman është kriza politike në Shqipëri, e cila në rezolutë, konsiderohet e rëndë, ndaj edhe apelohen palët të nisin sa më shpejt dialogun për ta kapërcyer atë.
