Teksa hetimi i tij për korrupsionin dhe anshmërinë në FBI dhe në Departamentin e Drejtësisë hyn në fazën tjetër të tij, Kryetari i Komitetit për Inteligjencën i Dhomës së Përfaqësuesve, Devin Nunes i dërgon një listë me 10 pyetje zyrtarëve aktualë dhe të dikurshëm të inteligjencës, zbatimit të ligjit dhe Departamentit të Shtetit rreth dosjes së turpshme lidhur me Presidentin Donald Trump. “Nëqoftëse nuk jepni përgjigjet e duhura mbi një bazë vullnetare, atëhere Komiteti do të iniciojë proces detyrues”, shkruan Nunes në letrën e tij të 20 shkurtit, letër që është siguruar nga Fox News. Ai u kërkonte zyrtarëve që të përgjigjeshin brenda datës 2 mars. Letra mban një seri pyetjesh që synojnë të zbulojnë se kush kishte dijeni se çfarë ndodhej në dosjen Trump dhe kur, ashtu si edhe nëse, zyrtarë të inteligjencës kanë ndarë informacion të ndodhur në dosje me palë të treta. E hartuar nga ish-oficeri i inteligjencës britanike Christopher Steele, dosja pretendon se qeveria ruse ka informacion kompromentues lidhur me Trump. Nunes konsideron se FBI-ja dhe Departamenti i Drejtësisë me pa të drejtë e përdorën dosjen për të siguruar një leje survejimi për Carter Page, një ish-këshilltar i fushatës së Trump. Ish-drejtori i FBI-së, James Comey i përshkruan disa aspekte të dosjes si “banale dhe jo të verifikueshëm”, por në fillim të muajit Trump miratoi për një shpërndarje një memo, që pranonte se raportimi i Steele ishte të paktën “minimalisht e provueshme”. Sa dihet deri më tani, shumë prej akuzave mbesin të paverifikueshme.
Memoja Nunes pretendon se FBI-ja dhe Departamenti i Drejtësisë ka fshehur informacion të rëndësishëm rreth natyrës së anshme të origjinës së dosjes Trump. Puna e Steele në hartimin e dosjes ishte financuar nga Komiteti Kombëtar Demokrat dhe një firmë ligjore e lidhur me fushatën e 2016 e ish-kandidates demokrate presidenciale Hillary Clinton. Demokratët pretendojnë se, memoja e Nunes paraqet një panoramë të pasaktë të asaj që realisht ka ndodhur dhe anëtari i lartë në Komitet, kongresmeni Adam Schiff, u përpoq që të shpërndajë një memo kundërshtuese, por Trump e bllokoi duke mos e deklasifikuar.
Pyetësori më i fundit i Nunes është pjesë e asaj që kongresmeni republikan e ka quajtur “faza e dytë” e hetimit të tij, që fokusohet në korrupsionin potencial në Departamentin e Shtetit. Nunes ka thënë se shpreson që të shpërndajë deri në 5 memo të tjera.
Më poshtë janë 10 pyetjet, të cilave Nunes u pret përgjigje:
1. “Kur dhe si morët vesh për herë të parë për ndonjë prej informacionit të ndodhur në dosjen Steele?
2. Në çfarë forme (formash) ju paraqit juve informacioni në dosjen Steele? Prej kujt? (Lutemi përshkruani çdo rast)
3. Me kë e ndatë këtë informacion? Kur? Në çfarë forme? (Ju lutemi përshkruani çdo rast)
4. Çfarë veprimesh zyrtare kryet si rezultat i marrjes së informacionit të ndodhur në dosjen Steele?
5. A keni marrë pjesë në ndonjë mbledhje me komunitetin e inteligjencës dhe/apo komunitetit ligjzbatuese si rezultat i informacionit në dosjen Steele?
6. Kur mësuat për herë të parë ose besuat se dosja Steele ishte e financuar nga një entitet i lidhur me demokratët?
7. Kur mësuat për herë të parë ose besuat se dosja Steele ishte financuar nga Komiteti Kombëtar Demokrat (DNC) dhe/ose Hillary for America (Fushata e Hillary Clinton)?
8. Kur u vetëdijësuat për herë të parë se dosja Steele ishte përdorur për të siguruar një leje FISA lidhur me Carter Page?
9. A ishte informuar Presidenti Obama me ndonjë informacion të ndodhur në dosje përpara 5 janarit 2017?
E diskutuat informacionin e ndodhur në dosjen Steele me ndonjë gazetar apo përfaqësues të tjerë të medias? Nëse po, me cilin dhe kur?
Çfarë përmban memo
Komisioni i Zbulimit të Dhomës lëshoi një memo të klasifikuar që përshkruante abuzimet e dyshuara nga zyrtarët e lartë të FBI dhe të Drejtësisë të premten, pasi presidenti e aprovoi lirimin e tij.
Ndër gjetjet e memorandumit janë:
• Dosja anti-Trump e financuar nga fushata Clinton dhe Komiteti Demokratik Kombëtar formuan një pjesë “esenciale” të aplikacioneve fillestare dhe të të trijave për përgjimine këshilltarit të fushatës Trump, Carter Page;
• Origjina politike e dosjes ishte “e njohur për zyrtarët e lartë të DD-së dhe të FBI-së”, por ndonëse kjo dihej nuk ishte sqaruar në kërkesën për të marrë urdhër për përgjimet;
• Perkins Coie – firma ligjore për fushatën Clinton dhe Komiteti Demokratik Kombëtar priti një takim me Steele, Fusion GPS dhe median (ky zbulim e bën më të vështirë për fushatën Clinton dhe DNC të mohojnë se e njihnin dosjen, edhe pse Klinton dhe zyrtarë të tjerë të lartë të DNC-së në atë kohë kanë mohuar të dinë për këtë);
• Steele u pezullua dhe përfundoi si burim i FBI-së, pasi FBI mësoi se ai bëri një zbulim të autorizuar të marrëdhënieve të tij me FBI-në për revistën liberale të medias Mother Jones dhe ai gënjeu FBI-n për kontaktet e tij të mëparshme me mediat në Yahoo !
• Steele – edhe pse i portretizuar si një “boy scout” nga bashkëthemeluesi i Fusion GPS, Glenn Simpson, kishte paragjykim personal kundër kandidatit Donald Trump, duke u thënë zyrtarëve të lartë të drejtësisë Bruce Ohr se ai ishte “i dëshpëruar që Donald Trump të zgjidhej dhe ishte i pasionuar se ai nuk duhet të jetë president”;
• Gruaja e Ohrit, Nellie Ohr ndihmoi me dosjen, por FBI ose DD nuk e zbuluan këtë lidhje në kërkesën për urdhërin FISA, edhe pse Bruce Ohr punoi “ngushtë” me Zëvendës Prokurorin e Përgjithshëm, Sally Yates dhe pastaj Rod Rosenstein;
• Në kohën kur FBI e përdori dosjen për të marrë urdhër spiunimi në tetor 2016, kreu i Divizionit të Kundërzbulimit të FBI-së, Bill Priestap, kishte vlerësuar se vërtetimi i dosjes ishte ende në “fillimet” e tij dhe pas përfundimit të Steele si një burim, një njësi e FBI-së e vlerësoi raportimin e tij si “të mbështetur minimalisht”;
Zëvendësdrejtori i FBI-së, Andrew McCabe e njohu Komitetin e Inteligjencës të Dhomës në dhjetor 2017 se asnjë urdhër nuk do të ishte kërkuar pa dosjen;
• Mandati i FISA-s gjithashtu përmendi informacionin që lidhet me një tjetër këshilltar të fushatës Trump, George Papadopoulos, edhe pse nuk kishte prova për bashkëpunim apo komplot midis Page dhe Papadopoulos;
• Memorandumi nuk tregon se çfarë informacioni rreth Papadopulos ishte, por tha se informacioni ishte shkaktar i hetimit kundër inteligjencës së FBI-së për ndërhyrjen dhe fshehtësinë ruse në fund të korrikut 2016;
• Peter Strzok, numri 2 në divizionin e kundërzbulimit të FBI-së, hapi hetimet e Byrosë për ndërhyrjen dhe bashkëveprimin e Rusisë (mesazhet me tekst midis tij dhe zyrtarit të FBI-së dhe të dashurit të saj, Lisa Page tregojnë se ai kishte një paragjykim anti-Trump).
Përgatiti
ARMIN TIRANA
