Tjetër goditje e madhe e Manchester United në merkato. Vetëm pak orë pasi u zyrtarizua kalimi i Zlatan Ibrahimoviç në “Old Trafford”, Djajtë e Kuq kanë bërë të tyrin edhe mesfushorin armen Henrik Mkhitaryan. 27-vjeçari pëlqehej së tepërmi nga trajneri i ri i United, Jose Mourinho dhe drejtuesit e Manchester-it ja plotësuan dëshirën portugezit, duke i vendosur në dispozicion një lojtar i rëndësishëm si Mkhitarayn, i cili do t’i bashkohet skuadrës që ditën e parë që do të nisë fazën përgatitore. Lajmi për transferimin e Mkhitarayn te Manchester United u zyrtarizua nga Borussia e Dormtundit në Twitter.
Për të marrë kartonin e futbollistit armen, Djajtë e Kuq kanë derdhur në arkat e klubit gjerman plot 26 milionë Paund, një shifër me të vërtetë shumë e lartë kjo duke patur parasysh fakt që mesfushori armen kishte vetëm 1 vit kontratë me verdhezinjtë.
