Stafi i gazetës “RD”, uron të gjithë shqiptarët, të gjithë demokratët, të gjithë mbështetësit, të gjithë lexuesit, të gjithë ata që na ndjekin, na pëlqejnë, na shpërndajnë, na kritikojnë, na sugjerojnë, shajnë dhe mburrin…
Viti i Ri që po troket
të jetë i dashurisë mbi urrejtjen;
të jetë i qetësisë mbi zhurmën;
të jetë i shpirtit mbi stomakun;
të jetë i virtyteve mbi veset;
të jetë i së vërtetës mbi gënjeshtrën;
të jetë i përuljes mbi arrogancën;
të jetë i ndihmës mbi nëpërkëmbjen;
të jetë i individit mbi turmën;
të jetë i urtësisë mbi prepotencën;
të jetë i arsyes mbi verbërinë;
të jetë i reales mbi virtualen;
të jetë i dijes mbi injorancën;
të jetë i ecjes mbi ngecjen;
të jetë i faljes, jo i hakmarrjes;
të jetë i kërkesave, jo i harresave;
të jetë i dielltë, jo me re;
të jetë i bardhë, jo i zi;
të jetë i gëzimeve, jo i hidhërimeve;
të jetë i ndryshimit, i ringritjes, i paqëtimit;
të jetë i mbushur me të mira;
i rrethuar nga të mirë;
që mendojnë mirë;
bëjnë mirë;
përpiqen vetëm për mirë!
Ashtu qoftë!
