Në të ardhmen e Marco Verrattit është vetëm Paris Saint-Germain. Lajmin e përsëriti edhe një herë agjenti i italianit, Donato Di Campli, i cili pohoi se pavarësisht ofertave të shumta në drejtim të lojtarit, Verratti do të qendrojë në “Parc des Princes”. Përfaqësuesi i mesfushorit sqaroi se 24-vjeçari ka edhe disa vite kontratë me parizienët dhe mbi të gjitha është i lumtur në Paris. Di Campli shtoi se Verratti ka dhe mbështetjen e tifozëve dhe nuk ka asnjë arsye përse të largohet nga Kampionët e Francës.
