Kryetari i PD, Lulzim Basha ka uruar nxënësit dhe mësuesit për fillimin e vitit të ri shkollor.
Në ditën e parë të shkollës, Basha bën apel që të mos mungojë kujdesi për të mbrojtur shëndetin pasi edhe ky viti i ri shkollor do të jetë sfidues.
Gjithashtu, Basha ka publikuar dhe një video nga momentet e ditës së sotme në shkolla.
Mesazhi i kryetarit Basha
Urime të përzemërta nxënësve dhe mësuesve, anembanë Shqipërisë në nisjen e këtij viti shkollor! Urime prindërve që përmes punës dhe sakrificave ushqejnë ëndrrat dhe ambiciet e fëmijëve të tyre!
Urime vogëlushëve që plot emocione ulen për herë të parë në bankat e shkollës, në hapjen e një kapitulli të rëndësishëm për jetën e tyre dhe gjithë shoqërisë sonë! Edhe ky vit i ri shkollor do të jetë sfidues për shkak të pandemisë, ndaj kujdesi nuk duhet të mungojë për të mbrojtur shëndetin e njëri-tjetrit dhe të familjeve tuaja. Suksese të gjithëve.
