Ka nisur loja e skeçeve mes Ramës dhe Gardës. Liderit global i “rrezikohet” jeta dhe Garda ka vijuar sot me skenarin e pergatitur ne zyren e shefit, Rames ne lidhje me te ashtuquajturin “atentat”, te nje te çekuilibruari.
Rama shkoi në selinë e PS me makinën “Mercedes”, por shoqëruesit i thanë se, duhej të hipte tek mjeti i blinduar “Lincoln”, me të cilën lëviz në Shqipëri për arsye sigurie.
Policia shoqëroi në Drejtorinë e Policisë së Tiranës Vladimir Gjutën paraditen e kësaj të hëne pasi u kap i armatosur pranë seliës së Partisë Socialiste.
Gjuta është pikasur nga gardistët, të cilët shoqëronin kryeminsitrin Rama dhe ministrat që ndodheshin në seli pasi po zhvillohej mbledhja e kryesisë së partisë.
Pas konstatimit ata kanë njoftuar policinë dhe kanë ndërhyrë për ta neutralizuar atë.
Gazetarja Glidona Daci raporton për abcnews.al se pasi i është vënë Garda nga pas, Gjutës i ka rënë në tokë një pistoletë, e cila kishte një fishek në gojë.
Në polici ai deklaroi se e mbante armën sepse po shkonte të këmbente një sasi të madhe eurosh në një pikë këmbimi valutor pranë selisë së PS.
Gjuta tha se armën e mbante për vetëmbrojtje pasi kishte me vete një sasi të madhe parash dhe se nuk kishte asnjë qëllim ndaj Ramës apo ministrave./abcnews.al
