Lacio është shndërruar në një “mace të zeze” për Napolin në këtë edicion. Pasi e eliminuan nga Kupa e Italisë, 3 ditë më parë, kryeqytetasit e Baronit, i dhanë një tjetër “leksion” skuadrës së Antonio Kontes, duke i mposhtur me rezultatin 0-1 në stadiumin “Diego Armando Maradona”.
Goli i Isaksen në minutën e 79-të, i dhuroi 3 pikë të arta Lacios, e cila tashmë futet fuqishëm në garën për titullin kampion, teksa e shikon veten në vendin e pestë me vetëm 3 pikë diferencë nga Atalanta kryesuese.
Ky ishte triumfi i 10-të në 15 javë për Lacion, ndërsa për Napolin ishte disfata e 3-të, me skuadrën e Kontes që tashmë kanë humbur edhe kryesimin.
Në duelin e radhës që do të zhvillohet në datën 16 dhjetor, Lacio do të presë Interin, ndërkohë që Napoli luan në transfertë ndaj Udinezes.
FT NAPOLI-LACIO 0-1
Isaksen 79′
Goli spektakolar i Isaksen realizuar në portën e Meret (VIDEO)
Shtylla i mohon golit futbollistit të Napolit Anguisa (VIDEO)
Traversa e goditur nga Dele-Bashiru (VIDEO)
FORMACIONET ZYRTARE
Napoli (4-3-3) – Meret; Di Lorenco, Rrahmani, Buonxhorno, Olivera; Anguisa, Lobotka, MekTominej; Politano, Lukaku, Kvaratskhelia.
Trajner: Antonio Konte
Lacio (4-2-3-1) – Provedel; Marusiç, Gila, Romanjoli, Tavares; Dele-Bashiru, Guenduzi; Isaksen, Dia, Zakanji; Kastejanos.
Trajner: Marko Baroni
