Në episodin e dytë të podcast-it “Apostrof nga Bjorn Runa”, i ftuar është poeti dhe publicisti Preç Zogaj. Biseda nis me librin e tij të fundit, “Në çdo pasqyrë na sheh mëkati,” një antologji që përmbledh krijimtarinë e tij poetike më të spikatur nga katër dekadat e fundit.
Diskutimi vijon më tej në lidhje me sfidat e poezisë në kohën e sotme, në një botë gjithnjë e më të zhurmshme dhe të nxituar. Çfarë vendi zë poezia në këtë realitet kulturor? Si mund të ringjallet forca e saj shprehëse? Preç Zogaj ndan pikëpamjet e tij për mungesat tematike në poezinë bashkëkohore shqiptare dhe për rëndësinë e adresimit të tyre. Një bisedë mbi artin, përgjegjësitë dhe rolin e poetëve sot.
Ky episod do të publikohet të dielën në orën 17:00 në kanalin e gazetës TemA në YouTube. Mos e humbisni!
