Gazetari spanjoll Alfonso Merlos është turpëruar pasi një video e tij, ku ai po fliste për krizën e koronavirusit, ka bërë nam në rrjetet sociale, por jo për arsyet që ai do të donte e as për mendimet e tij në gjendjen aktuale.
Videoja e tij bëri xhiro në gjithë internetin në fundjavë për shkak të një gruaje të zhveshur, e cila shihet duke kaluar pranë në sfond.
Kjo grua nuk ishte Marta Lopez, e dashura e Merlos, me të cilën ai është në lidhje që prej fundvitit.
Ishte një grua tjetër, e quajtur Alexia Rivas.
“Unë jam i fortë dhe jam mirë dhe nuk dua ta bëj asnjë deklaratë”, tha Merlos i pyetur për skandalin.
“Po thuhen gjëra që nuk janë të vërteta”, shtoi ai.
