Makina e një efektivi të policisë është djegur në orët e para të mëngjesit të ditës së djeshme në Vlorë. Makina ka qenë e parkuar në lagjen “Pavarësia” pranë palestrës së mundjes. Një telefonatë rreth orës 03:10 e ardhur në Sallën Operative ka lajmëruar për djegien e mjetit.
Makina e djegur mësohet se është në pronësinë e shtetasit Zini Zenelaj nga fshati Babicë. Ai ka qenë inspektor rendi në Komisariatin e Vlorës. Ndërkohë kujtojmë se Babica është fshati i Habiljave, ku u kap një kamion me plot 3.5 ton drogë pak ditë më parë.
Nuk dihet nëse djegia e makinës së tij, e cila dyshohet se është e qëllimshme ka lidhje me këtë ngjarje. Makina e tij ka qenë e parkuar në lagjien “Pavarësia” pranë palestrës së mundjes. Një telefonatë rreth orës 03:10 e ardhur në sallën operative ka lajmëruar për djegien e mjetit.
Ndërkohë, policia dhe zjarrfikëset kanë shkuar menjëherë pranë vendit të ngjarjes, ku kanë bërë të mundur shuarjen e flakëve të zjarrit, prej nga të cilat mjeti është dëmtuar pjesërisht në pjesën e përparme. Dyshohet që zjarrvënia të ketë qenë e qëllimshme, pasi në pjesën e përparme tek motori është konstatuar lëndë djegëse.
