Elseid Hysaj ishte lojtari më i mirë në repartin e mbrojtes, ndërsa Lacio fitoi 0-3 në transfertën e Veronës. Mbrojtësi i djathtë shkëlqeu në sfidën e tij të parë si titullar në Seria A, përgjatë këtij sezoni.
Hysaj mori vlerësimin 7.9 nga “Sofascore”. Takimin e luajti të plotë, ndërsa pati 56 pasime të sakta. Në anën tjetër 4 topa të gjatë u shfrytëzuan, pasi u nisën prej tij.
Hysaj spikati me pesë spastrime. Në anën tjetër ndërpreu dy aksione, ndërsa pati dhe tre ndërhyrje të sakta pa top.
Mbrojtësi i Kombëtares shqiptare fitoi gjashtë nga tetë duelet që pati. Fundjava shkoi kështu në mënyrën më të mirë për të.
