Gjergji Nika, një menaxher i suksesshëm, i është futur garës elektorale me një vizion të qartë: transparencë, përgjegjshmëri dhe zhvillim për Vlorën. Në video-mesazhin e tij, Nika thekson se përvoja e tij në sektorin bankar dhe biznes, si dhe kontributi në Këshillin Bashkiak të Vlorës, janë garanci për një përfaqësim të denjë dhe efikas në Kuvend.
Kandidati i Koalicionit Euroatlantik shpreh qartë vendosmërinë për të reformuar mënyrën se si funksionon shteti, duke vendosur qytetarin në qendër të çdo vendimmarrjeje. “Vlorës i duhet drejtim i ndershëm dhe punë konkrete, jo fjalë të zbrazëta,” deklaron Nika.
Në këtë garë, ai nuk premton mrekulli, por angazhohet për t’i dhënë fund korrupsionit institucional dhe për të rikthyer besimin e qytetarëve tek politika.
