Nga Azgan Haklaj
Pas ujdisë Rama-Berisha një retorikë e fryrë politike filloi të prononcohet nga dy partitë e vjetra PS-PD Rilindja dhe Rithemelimi rreth “fitores” së arritur nga ky eshtablishment duke integruar në votim për herë të parë diasporën.
Pa humbur kohë dhe pa filluar akoma zyrtarisht fushata elektorale taborre poltike nga të dy krahët u turren drejt perëndimit për të joshur emigracionin shqiptar.
Çmendurisht u zbrazën zyrat e shtetit e të bashkive që duhet t”ju shërbejnë qytetarëve dhe zyrtarët u turren drejt Athinës e Romës, drejt Berlinit e Londrës!
U harxhuan e po harxhohen qindra milion euro të pakontrolluara e të padeklaruara që nuk i mbajnë dot buxhetet partiake vetëm për të kontrolluar e intimiduar diasporën.
E njëjta gjë u pa me parlamentarët e vendit të cilët braktisën tempullin e demokracisë anipse paguhen me taksat tona si ligjvenës dhe jo korrierë të manipulimit të votës.
Kjo është me e vogla gjë kundrejt krimit elektoral që po përvijohet duke tentuar hapur denatyrimin e votës se emigracionit.
Patronazhimi politik, presioni e joshja është e verteta absolute e këtij inkursioni famëzi.
Të dy partitë PS-PD Rilindja dhe Rithemelimi kanë lista votuesish të sigurtë sipas tyre dhe kushdo që tentoj regjistrimin në sistem jashtë linkut të besnikërisë u sorollat e në fund e ka të pamundur të votojë.
Finalja kriminale do vijojë kur diaspora e regjistruar të detyrohet të fotografojë votën e saj dhe ta drejtojë drejt patronazhistëve përkatës që si hiena sillen rrugëve të Europës me gjuhën e presionit e intimidimit si dhe torbat me paratë e korrupsionit e krimit.
Në këto kushte edhe kjo “fitore” e trumbetuar”në fakt tejkalon “fitoren”e Pirros.
Ndaj duhet ndalur sa më parë kjo dorë djallëzore kriminale e cila po gangrenizon votën e diasporës njësoj e më keq se atë në atdhe.
SPAK dhe BKH që jane angazhuar në monitorimin e rreptë të mbarëvajtjes së këtij procesi jetik për demokracinë dhe integrimin duhet me deomos të syrvejojnë këtë taktikë malinjë e cila do ti krijojë vendit probleme të rrezikshme të stabilitetit.
Kam një thirrje shumë vllaznisht e tepër shqiptarisht vëllezërve e motrave të diasporës:
Sakrifikoni dhe ejani e votoni në Shqipëri dhe prisheni skenarin e binomit Rama -Berisha!
Vota juaj e pakontrolluar është shumë e rendësishme për fatin e demokracisë dhe Kombit tonë!
Misioni juaj i sotëm është i barazvlershëm me sakrificën tuaj për çlirimin e Kosovës.
Sakrifikoni dhe ejani në Shqipëri ditën e votimit të mbeshtesni çlirimin e demokracisë nga oligarkia sunduese politiko, ekonomike.
Vota e shqiptarëve duhet të çlirojë shtetin nga kapja e pushtetit simbiozë me krimin e organizuar.
