Kryetari i Grupit parlamentar të LSI, Petrit Vasili, e ka cilësuar votën e qeverisë shqiptare në OKB kundër qendrimit të SHBA në lidhje me Jeruzalemin si një votë të shitur. Përmes një interviste për “Report tv”, Vasili ka hedhur akuza të forta ndaj Ramës në lidhje me pazare e afera korruptive edhe me votën e Shqipërisë në çështje të tilla madhore.
-Sa i rrezikshëm është votomi i Shqipërisë në OKB kundër vendimit për Jeruzalemin? A duhet të kishte një koordinim të paktën me Presidentin Ilir Meta? Ose me Komisionin e Jashtëm për këtë çështje?
E kam thënë dhe e them përsëri, raporti ynë me SHBA nuk është një raport servil, ky vend Shtetet e Bashkuara të Amerikës është lokomotiva e zhvillimit botëror politik, ekonomik dhe shkencor për çfarë të doni.
-Pa Amerikën bota nuk do ishte kjo që është në raport me këtë Shqipëri kaq të vogël ka treguar një zemërgjerësi, mbështetje pa kushte nuk e di nëse do të kishte qenë dikush nga shqiptarët, duke drejtuar Amerikën a do të ishte kaq zemërgjerë?
Momentet kyçe të historisë sonë janë shënuar falë mbështetjes së Amerikës. Ku SHBA e kishte këtë votim në vlerësimin e tyre, që është një vlerësim kompleks i tyre, mediokriteti i politikës shqiptare nuk mund ta kuptoj, i mungoi një mbështetje e tillë, kur Amerika ndeshej për kufijtë tanë, ne ishim një vend kaq i vogël dhe nuk mbështetëm qëndrimin e aleatit tonë më të madh.
-Çfarë njohje të famshme ka kjo ministria jonë e Jashtme për këtë problem? Ku bëhej fjalë për një vendim kaq të rëndësishëm pse nuk e ndau me klasën politike në Shqipëri? Duhet ta bënte temë diskutimi në Komisionin e Politikës së Jashtme. Pse nuk u konsultua me kryetarët e partive politike?
Madje mendoj se duhej të merrej mendimi i të gjitha institucioneve, përfshirë Presidencën madje edhe të gjithë presidentët që kanë shërbyer ndër vite, duhet të ishte një vendim kolektiv, mbi së gjithash nuk duhet të ishte kundër SHBA-së.
Kjo është çështje e prerë e konsekuencave të kryeministrit shqiptar. Edi Rama nuk shikon në drejtim të Perëndimit, por shikon kudo që ka para të pista.
-Është dukur sikur gjatë kësaj kohe Edi Rama ka pasur përkrahjen e ambasadorit Donald Lu. Në këtë rast shikojmë se nuk i shkon përshtat për shkak të interesit amerikan. A mund të ketë pasoja për shkak të këtij votimi?
Unë nuk i referohem kryeministrit e as përfaqësimit diplomatik këtu në vend. Presidenti Donald Trump ka një vokacion shumë të qartë për këtë votim SHBA-ja shkurtoi 282 milionë dollarë për OKB-në. Amerika nuk bashkëjeton dot me probleme të tilla, por do që t’i zgjidhi. Vendimi i Donald Trump ishte një vendim mbi rezolutën është votuar me masën mbi 90% në Kongresin amerikan për çështjen e Jeruzalemit.
Ambasada amerikane nuk është e detyruar të flasi me gjuhën e drunjtë që flasin këta këtu në Shqipëri, por në të vërtetë konfirmonte 100% qëndrimin e SHBA-së. Pra konfirmon qëndrimin e SHBA lidhur me çështjen e Jeruzalemit, zgjedhja e tyre i shërbente paqes, nuk u tërhoq asnjë gram mbrapa.
