Diskutimet e Musk me Putinin, të cilat u konfirmuan nga disa zyrtarë aktualë dhe ish-zyrtarë amerikanë, evropianë dhe rusë, u rrotulluan rreth çështjeve personale, si dhe bizneseve dhe tensioneve gjeopolitike.
Sipas gazetës, Elon Musk ka qenë në komunikim të rregullt me Vladimir Putinin, i cili në një nga bisedat e tyre i ka kërkuar që të mos aktivizojë rrjetin Starlink në Tajvan si një “favor” për presidentin kinez Xi Jinping.
Starlink nuk siguroi kurrë një licencë për të ofruar shërbime interneti në Tajvan, qeveria e të cilit vendos kufizime për kompanitë satelitore jo-tajvaneze.
Musk u shfaq këtë vit si një mbështetës kryesor i fushatës zgjedhore të Donald Trump dhe nëse Trump fiton, ai mund të ketë një rol në administratën e re.
Ndërsa SHBA dhe aleatët e saj e kanë izoluar Putinin vitet e fundit, dialogu i Musk me të mund të shënojë fillimin e një raundi të ri bisedimesh me liderin rus, duke forcuar dëshirën e shprehur të Trump për të arritur një marrëveshje me Rusinë për luftën në Ukrainë.
