Alex Oxlade-Chamberlain pranon se ndihet i zhgënjyer me paraqitjen e tij, megjithëse shënoi në fitoren 5-0 të Liverpool ndaj Swansea City të martën. Por ish-mesfushori i Arsenal thotë se priste më tepër nga vetja. “Morëm tri pikë, por personalisht isha pak i zhgënjyer me paraqitjen time sot”, shprehet ai për “Sky Sport”. Oxlade-Chamberlain shënoi golin e pestë të Liverpool ndaj uellsianëve, goli i tij i parë në “Anfield”. “Jam i lumtur që arrita të shënoj gol në fund, por u mundova të punoja fort për 90 minuta dhe kur më erdhi mundësia isha i lumtur që e shënova golin në atë mënyrë. Ka momente gjatë ndeshjes kur mund të kisha vepruar më mirë. Thjesht dua të mbaj veten time të karikuar. Por 5-0 për ne, jam shumë i lumtur”.
