Kampionët e saposhpallur të Francës, Monaco, vazhdojnë të projektojnë të ardhmen, teksa kanë zyrtarizuar blerjen e Youri Tielemans, talentit që vjen nga radhët e Anderlecht. Kartoni i mesfushorit 20-vjeçar i kushtoi klubit të Principatës rreth 25 milionë euro dhe nënshkroi kontratë deri në vitin 2022. Pasi firmosi marrëveshjen, Tielemans, u shpreh entuziast për aventuren e re dhe theksoi se është i lumtur që iu bashkua një ekipi si Monaco.
