Klaus Augenthaler, ish-kapiteni i Bayern Munichut, beson se Bastian Schweinsteiger mund të transferohet në Shtetet e Bashkuara të Amerikës. E ardhmja e Bastian Schweinsteigerit është larg Manchester Unitedit. Ish-kapiteni i Bayern Munichut, Klaus Augenthaler mendon se, gjermani do të transferohet në Shtetet e Bashkuara të Amerikës. “Unë mendoj se ai do të shkojë në Shtetet e Bashkuara. Unë e di se ai ka oferta nga klubet evropiane, në Turqi dhe në vende të tjera. Por unë mendoj se ai do të shkojë në SHBA”, tha Augenthaler për “Omnisport”.
