Një natë më parë deputetja e Partisë Demokratike Albana Vokshi zbuloi identitetin e dy prej efektivëve të Policisë Bashkiake, i cili u paraqit si protestues në takimin e Veliajt me banorët e Unazës së Re, sot Nisma #thurje ka publikuar identitetin e një tjetër efektivi.
Teksa publikon dy fotot të tij, një si protestues e një si polic bashkiak, “Nisma #Thurje” shkruan:
“Ky është Koli. Te foto lart luan rolin e banorit të shqetësuar të Unazës së Re kurse te foto poshtë pret radhën për t’i dhënë dorën shefit gjatë takimit në policinë bashkiake ku edhe merr rrogën.
Kolin me taksat tona e paguajmë dy herë. Një herë si polic bashkiak dhe pastaj si aktor në filmat që xhiron €rioni për të mashtruar qytetarët që e kanë votuar.
Neveri!”
Kujtojmë se disa ditë më parë, Veliaj mbajti një takim me disa banorë të Unazës së Re, por që PD dhe protestuesit thanë se ai ishte mashtrim, pasi asnjë prej tyre nuk ka qenë në takim dhe ata nuk janë prej banorëve, por është një tentativë për të përçarë banorët dhe manipuluar të vërtetën.
