Drejtuesi politik i Koalicionit Euroatlantik, Lulzim Basha, zhvilloi një takim në degën 2 në Tiranë për prezantimin e kandidatëve për deputet para strukturave. Gjatë fjalës së tij, Basha theksoi se zullumi i qeverisë aktuale është në kulmin e tij dhe e akuzoi qeverinë e Edi Ramës për korrupsion dhe mungesë mbështetjeje për fermerët shqiptarë.
Ai nënvizoi se “313” është simboli i kësaj qeverie dhe u shpreh se Koalicioni Euroatlantik do të luftojë për të kthyer lekët në xhepat e shqiptarëve dhe për të siguruar mbështetje për fermerët. Basha paralajmëroi se më 11 maj qytetarët do të kenë mundësinë të bëjnë zgjedhjen e duhur, o me Edi Ramën dhe shokët e tij, o me fëmijët dhe familjet shqiptare, sepse të dyja bashkë nuk shkojnë”
Pjesë nga fjala e Bashës:
Zullumi trashet pastaj këputet. Zullumi ka ardhur duke u trash, po vjen dita ta këpusim zullumin më 11 maj. Zullumi ka emër, apo jo? 313, thotë zotëria këtu. 313 është vendi ku janë, po shkojnë, e do të shkojnë, të gjithë ata që kanë futur durt tek xhepat e shqiptarëve. 313 është simboli i qeverisë së Edi Ramës. Prandaj, sa herë vjen vërdall duke thënë bvizioni për Shqipërinë 2030, ne do ti kujtojmë 7×7, Shqipëria 313. Sepse korrupsioni, është pengesa kryesore për ekonominë. Është shkaktari kryesor i hollimit të xhepave, i zbrazjes së tryezave të shqiptarëve, i zbrazjes së shtëpive tona nga të rinjtë dhe të rejat. Korrupsioni, është shkaktari kryesor i frenimit të ekonomisë, sepse ato lekë, o do jenë në xhept tuaj, o do jenë në xhepat e shokëve të Ramës. Për ne, zgjidhja është e qartë, lekët në xhepat tuaj, shokët e Ramës tek 313-ta.
A ka turp më të madh sesa fermerët e mbarë Shqipërisë dhe fermerët e kësaj zone historike, të bukur, pjellore, ngjit me tregun më të madh të kombit shqiptar që është Tirana, mos të nxjerri dot bukën e gojës për veten e tyre dhe për fëmijët e tyre. Unë e di, kam qenë në shtëpitë tuaja dhe në tokat tuaja, kam qenë dhe kur keni mbjell dhe kur keni korr. E di sa fort punoni, e di sa fort përpiqeni me besim në Zot, me dashuri për familjen tuaj, me punë të palodhshme dhe prap puna s’ka duk. Sepse problemi nuk jeni ju, problemi nuk janë familjet tuaja, problemi nuk janë fëmijët tuaj. Në fakt, e vetmja shpresë për këtë vend janë fëmijët tuaj, janë rinia e kësaj zone të mrekulueshme dhe e mbarë Shqipërisë. Por, problemi është mungesa totale e çdo mbështetje për fermerin shqiptar. Jo sot po tash 12 vite. Qeveria shqiptare e Edi Ramës as kujdeset për fermerët, i harron, i takson, i godet, i poshtëron, i largon, i tall. Është e vetmja qeveri që nuk jep subvencione për fermerin shqiptar. 7×7, 313, është epitafi i një qeverie që nuk u mjaftua duke vjedh lekët tuaj, taksat e shqiptarëve. Por Por vodhi dhe lekët e taksapaguesve evropian, që në vend që të vinin si subvencione që ishin nis për fermerët, përfunduan në xhepat e qeveritarëve.
Lekët e taksave të shqiptarëve o do jenë tek fermeri shqiptar, o do jenë në xhëpat e shokëve të Ramës. Lekët e taksapaguesve europian o do të vijnë për subvencione te ju, ose do të përpihen siç janë përpi e do të kthehen në restorante e vila luksoze për qeveritarët. Kjo është zgjedhje që kemi më 11 maj. O jeni me Edi Ramën, o jeni me fëmijët tuaj, o jeni me Edi Ramën o jeni me familjen tuaj, o jeni me Edi Ramën o jeni me xhepat tuaj, o jeni me Edi Ramën dhe shokët e shoet e tij tek 313-ta, o jeni me subvencionet për fermerët për kolegët për familjarët tuaj. O jeni me Ed Ramën o jeni me shqipërinë, të dyja bashkë nuk bëjnë.
