Partia Demokratike dhe aleatët firmosën mëngjesin e sotëm marrëveshjeve për krijimin e koalicionit opozitar.
Sipas marrëveshjes, me koalicionin e PD, bashkohen partitë kryesore të opozitës, që kërkojnë zgjedhje të lira e të ndershme pa Edi Ramën kryeministër. Mësohet se kjo do është një nga pikat e marrëveshjes për krijimin e koalicionit opozitar, i cili sipas opozitës, synon krijimin e një qeverie tranzitore që do të garantoje zgjedhje të lira e të ndershme dhe do t’i hapë rruge drejtësisë për të ndëshkuar ata politikane që janë faktuar se kane blerë zgjedhjet.
LSI, PR, LZHK, PBDNJ, PAA, PDK, PDIU, janë disa nga aleatët e PD-së që fimosën marrëveshjen.
Nërkohë edhe kreu i Partisë Republikane, Fatmir Mediu u shpreh i bindur se ky është institucionalizimi i opozitës së bashkuar dhe siguroi shqiptarët se nuk do të ketë zgjedhje pa garincinë e zgjedhjeve të ndershme e të drejta.
“Marrëdhënia e opozitës sot është një Detyrë qytetare për të penguar zgjedhjet farse, shkatërrimin e opozitarimit dhe institucioneve kushtetuese të këtij vendi. Ne si popzitë kemi këtu përpara sot, një marrëdhinë, kemi një raport të ri jo vetëm politik, por një raport të ri edhe elektoral. Pra, kjo që ka ndodhur sot është isntitucionalizimi i një marrëdhënie te konsoliduar mes opozitës për të mos lejuar zgjehdje të manipuluara. Detyra më fisnike e cdo politike dhe force politike është pikërisht e drejta për të zgjedhur dhe për tu zgjedhur dhe ne do ta garantojmë atë. Zgjedhje do të ketë vetëm në kushtet kur qytetarët të kenë mundësi të bëhen pjesë e zgjedhjeve të lira e të ndershme,” u shpreh Mediu.
Ky koalicion synon krijimin e një qeverie tranzitore që do të garantojë zgjedhje të lira e të ndershme dhe do t’i hapë rrugë drejtësisë për të ndëshkuar ata politikanë që janë faktuar se kanë blerë zgjedhjet.
Opozita e bashkuar është shprehur vazhdimisht e vendosur se pa largimin e Edi Ramës nuk mundet dhe nuk do të zhvillohen zgjedhjet lokale. Ata e akuzojnë kryeministrin dhe qeverinë që drejton si manipuluese të vullnetit të popullit duke i blerë votat osse duke i siguruar ato përmes shantazheve.
Ja 10 pikat e marrëveshjes:
- Krijimi i një koalicioni të bashkuar opozitar qytetar për zgjedhjet e ardhshme në vend
- Partitë nënshkruese të këtij koalicioni do të regjistrohen në zgjedhje vetëm pasi të jenë krijuar kushtet për zgjedhje të lira dhe të ndershme
- Rruga e vetme për krijimin e zgjedhjeve të lira është një qeveri tranzitore me mandat të posaçëm
- Partitë e koalicionit opozitar nuk do të lejojmë asnjë farse elektorale
- Pamundësimi i zgjedhjeve farse të diktuara nga pakti i Ramës me krimin
6 . Rikonfirmojmë vullnetin tone se BE është rruga e vetme për ti dhënë fund tranzicionit
- Angazhohemi për një marrëveshje për çlirimin e ekonomisë nga oligarkia
- Angazhohemi për lufte pa kompromis ndaj krimit të organizuar
- Mbështesim liritë dhe të drejtat themelore të qytetareve të cilët dhunohen nga veprimet arbitrare te institucioneve shtetërore
- Angazhohemi për çdo individ apo parti te identifikuar si opozitare
Kujtojmë se gjatë ditës së djeshme, opozita shpalli edhe protestën kombëtare të radhës e cila do të zhvillohet me datë 11 maj në orën 18:30.
MARRËVESHJE E KOALICIONIT OPOZITAR
Sot, në Tiranë, më ___/___/2019, ne, Opozita e Bashkuar:
Duke qenë thellësisht të shqetësuar që, prej kohësh, Shqipëria ndodhet në kushtet e:
Rritjes së varfërisë ekstreme dhe papunësisë, si dhe pasigurisë për jetën dhe pronën, gjë që ka sjellë braktisjen e Shqipërisë nga një numër jashtëzakonisht i lartë i qytetarëve shqiptarë;
Mungesës së vëmendjes nga Qeveria ndaj problemeve të përditshme të qytetarëve dhe mungesës së reformave, që garantojnë qeverisjen në interes të qytetarëve;
Humbjes totale të besimit të qytetarëve tek forca e shtetit;
Asgjesimit të zgjedhjeve të lira dhe të ndershme, që po faktohet dita-ditës si fenomen, që ka cenuar jo vetëm legjitimitetin e qeverisjes, por edhe llogaridhënien ndaj qytetarëve;
Rrënimit ekonomik të vendit për llogari të oligarkëve, të lidhur me Qeverinë, që përfitojnë fonde financiare në mënyrë abuzive, duke asgjesuar konkurencën e lirë dhe duke penguar investimet e huaja në vend, që janë motorr punësimi;
Pabarazisë së thellë midis qytetarëve të zakonshëm dhe njerëzve me pushtet, duke eleminuar shtetin e së drejtës dhe barazinë përpara ligjit;
Përpjekjes së paprecedentë të Qeverisë për të kontrolluar të gjitha pushtetet në vend, përfshirë pushtetin gjyqësor;
Duke mbajtur në konsideratë:
Krizën e rëndë politike në vend, që pamundëson standardet demokratike për zgjedhje të lira dhe të ndershme, për shkak se është provuar se Qeveria e Edi Ramës ka bashkëpunuar me krimin e organizuar për blerjen e votave;
Pasojat që sjell minimi i parimeve për zgjedhje të lira dhe të ndershme për jetën e qytetarëve shqiptarë, proceset demokratike në vend, funksionimin demokratik të institucioneve dhe procesin e integrimit europian;
Krijimin e një situate të paprecedentë të krizës ekonomike, emigracionin masiv kombëtar dhe gjendjen katastrofale të mjerimit social nga një Qeveri e dalë nga zgjedhje të deformuara dhe të diktuara nga bashkëpunimi me krimin e organizuar;
Përgjegjësinë e drejtpërdrejtë të Edi Ramës për krizën e rëndë, ku ndodhet vendi dhe për ngritjen e një skemë kriminale të bashkëpunimit me krimin e organizuar për të blerë vota;
Duke vlerësuar se gjendja e shkaktuar ka, mbi të gjitha, si shkak kryesor, korrupsionin, si dhe lidhjet e forta midis Qeverisë dhe krimit të organizuar, të cilat pengojnë zhvillimin ekonomiko-social të vendit dhe rrugëtimin europian të Shqipërisë;
Duke qenë të vetëdijshëm se rinia shqiptare ka më shumë se kurrë nevojë për mbështetje, jo vetëm për një arsim cilësor, sipas standardeve europiane, por, mbi të gjitha, për krijimin e kushteve për punësim sipas meritës dhe mundësive individuale;
Duke qenë të shqetësuar për problemet madhore, që po kalon ekonomia shqiptare, veçanërisht,fermerët shqiptarë dhe biznesi i vogël, si shkak i politikave falimentuese të Qeverisë;
Duke qenë të ndërgjegjshëm se kapja e pushtetit publik nga krimi përbën një kërcënim të rëndë për integritetin dhe funksionimin e demokracisë dhe institucioneve demokratike, që ka shndërruar në emergjencë kombëtare nevojën e shkëputjes së lidhjeve të ngushta Qeveri-Krim;
Duke qenë të vendosur për të ndërmarrë çdo proces politik apo institucional, që i hap rrugë nisjes së negociatave të anëtarësimit të Shqipërisë në Bashkimin Europian për tëbërë realitet, sa më parë, ëndrrën e shqiptarëve për “Shqipërinë si gjithë Europa”;
Duke vlerësuar se Qeveria aktuale dhe institucionet e drejtësisë nuk kanë ndërmarrë asnjë përpjekje konkrete për të trajtuar çështjen e vazhdueshme të blerjes së votës, përdorimit të parave të pista në zgjedhje, si dhe angazhimit në zgjedhje të individëve me të kaluar kriminale, që kanë cenuar rëndë besimin e publikut në integritetin e zgjedhjeve;
Duke vlerësuar se Qeveria aktuale nuk ka ndërmarrë asnjë hap për të luftuar shpërdorimin e burimeve shtetërore, keqpërdorimin dhe neglizhencën e Policisë së Shtetit dhe presionet e lidhura me vendin e punës mbi zgjedhësit;
DEKLAROJMË:
Krijimin e një Koalicioni të Bashkuar Opozitar dhe Qytetar për zgjedhjet e ardhshme në vend.
Partitë nënshkruese të këtij Koalicioni do të regjistrohen në zgjedhje vetëm pasi të jenë krijuar kushtet për zgjedhje të lira dhe të ndershme.
Rruga e vetme për të garantuar zgjedhjet e lira dhe të ndershme është formimi i një Qeverie Tranzitore me mandat të posaçëm për:
Kthimin e legjitimitetit politik të qeverisjes në vend nëpërmjet zgjedhjeve të parakohshme parlamentare.
Përgatitjen e zgjedhjeve të lira dhe të ndershme parlamentare dhe vendore në Shqipëri.
Realizimin e reformës zgjedhore dhe ndjekjen e zbatimit të saj, me fokus të veçantë shkëputjen e lidhjes mes politikës dhe krimit, luftën ndaj fenomenit masiv të blerjes së votave, intimidimit kriminal mbi zgjedhësit, si dhe eleminimin e pabarazisë mes partive politike pjesëmarrëse në zgjedhje.
Krijimin e klimës së besimit për zbatimin e reformës në drejtësi jashtë çdo ndërhyrjeje politike.
Krijimin e kushteve të nevojshme për të përshpejtuar nisjen e negociatave të Shqipërisë për antarësimin në Bashkimin Europian dhe ndërmarrjen e çdo reforme të nevojshme për këtë qëllim.
Në mbrojtje të demokracisë dhe tëzgjedhjeve të lira e të ndershme, partitë nënshkruese të këtij Koalicioni angazhohen të mos lejojnë asnjë farsë elektorale, të organizuar nga qeveria ilegjitime e Edi Ramës.
Pamundësimi i mbajtjes së zgjedhjeve fasadë, të diktuara nga pakti i Edi Ramës me krimin e organizuar dhe paratë e tyre të pista, të realizohet përmes përshkallëzimit të aksionit opozitarnë të gjithë vendin.
Rikonfimojmë vullnetin tonë se Integrimi Europian i Shqipërisë është rruga e vetme për t’i dhënë fund tranzicionit të tejzgjatur. Shprehim vendosmërinë tonë të plotë për të ndërmarrë çdo hap, që bën realitet rrugëtimin e pandalshëm dhe të shpejtë të Shqipërisë në familjen europiane.
Angazhohemi për të unifikuar dhe miratuar një Platformë të Përbashkët për çlirimin e ekonomisë ngaoligarkia dhe krimi me mbështetje qeveritare. Ky trinom është përgjegjës për rritjen e papunësisë, largimin e investimeve të huaja, falimentimin e fermerëve dhe sipërmarrjes private.Kjo Platformë e Përbashkët ka për qëllimnxjerrjen e vendit nga kriza e rëndë ekonomike për të krijuar punësim, zhvillim,mirëqenie dhe mundësi të barabarta për të gjithë.
Angazhohemi për luftë pa kompromis ndaj krimittë organizuar, korrupsionit dhe pastrimittë parave të pista, si pengesa kryesore për stabilitetin dhe zhvillimin e vendit, sigurinë dhe mirëqeniene qytetarëve.
Mbështesim çdo qytetar, të drejtat dhe liritë themelore të të cilit dhunohen nga veprimet arbitrare të institucioneve shtetërore.
Angazhohemi për një marrëdhënie politike dhe elektorale me çdo individ apo parti politike, bazuar në parimin e proporcionalitetit dhe integritetit të nënshkruesve.
Koalicioni i Bashkuar Opozitar dhe Qytetar ngarkon Partinë Demokratike të Shqipërisë, si partia më e madhe e Koalicionit, për realizimin e marrëveshjeve individuale për zgjedhjet me të gjitha palët nënshkruese.
PARTITË POLITIKE TË KOALICIONIT OPOZITAR
